अभिनेत्रीची गाडी अडवून दीड तास केला होता लैंगिक अत्याचार..भावनाने सोडले मौन..

दक्षिण भारतातील प्रसिद्ध अभिनेत्री भावना मेननचा पाच वर्षे जुना वाद पुन्हा एकदा चर्चेत आला आहे. भावनानेच आता तिच्या पाच वर्षांच्या लैंगिक शोषणाच्या वादावर मौन सोडले आहे. त्यानंतर हे प्रकरण पुन्हा एकदा चर्चेत आले आहे.

भावनाने सोशल मीडियाच्या माध्यमातून या प्रकरणाबाबत एक निवेदन जारी केले आहे, ज्यामध्ये अभिनेत्रीने सांगितले आहे की, हा प्रवास तिच्यासाठी सोपा नव्हता.

आपल्या अपहरण प्रकरणाबाबत बोलताना भावना म्हणाली की, मला खूप त्रास सहन करावा लागत आहे.मी अजून धीर नसोडता खंबीरपणे उभी आहे आणि आपली लढाई लढत आहे. या नव्या पोस्टद्वारे भावनाने तिच्या पाठीशी उभ्या असलेल्या तिच्या चाहत्यांचे आभारही मानले आहेत.

 भावनाने तिच्या अधिकृत इंस्टाग्राम अकाऊंटवरून एक निवेदन जारी केले आहे. ज्यामध्ये लिहिले आहे की, 'हा प्रवास सोपा नव्हता. माझ्यावर झालेल्या हल्ल्यानंतर पाच वर्षांपासून माझे नाव आणि माझी ओळख दडवली जात आहे.

 भावना पुढे लिहितात, 'मी कोणताही गुन्हा केला नसला तरी मला अपमानित करण्याचा, गप्प बसवण्याचा आणि एकटे पाडण्याचा प्रयत्न करण्यात आला. मात्र, अनेक वेळा मला इतरांनी पाठिंबा दिला आहे. आता बरेच लोक माझ्या बाजूने बोलत आहेत, मला माहित आहे की न्यायासाठी माझ्या संघर्षात मी एकटा नाही.

 भावना पुढे लिहितात, 'जोपर्यंत न्याय मिळत नाही, अन्याय करणाऱ्यांना शिक्षा होत नाही तोपर्यंत मी या मार्गावर चालत राहीन जेणेकरुन इतर कोणालाही अशा प्रकारच्या वेदना सहन कराव्या लागू नयेत. तुमच्या प्रेमाबद्दल मनापासून धन्यवाद.'

 काय आहे संपूर्ण प्रकरण...

फेब्रुवारी २०१७ मध्ये भावना कोची येथे शूटिंग करून परतत असताना काही लोकांनी तिचे तिच्याच कारमधून अपहरण केले. नेदुम्बसेरी विमानतळाजवळ तीन ते चार जणांनी अभिनेत्रीची गाडी अडवून सुमारे दीड तास तिच्यावर लैंगिक अत्याचार केला. त्याचा एक व्हिडिओही तयार करण्यात आला आहे. त्यानंतर रात्री साडेदहाच्या सुमारास अभिनेत्रीला तिच्या घराजवळ सोडून आरोपींनी पळ काढला. या घटनेनंतर पोलिसांना त्यांच्या तपासात असे आढळून आले की, या अपहरणाचे नियोजन सुमारे दोन महिन्यांपासून सुरू होते, ज्यामध्ये अभिनेत्रीचा ड्रायव्हरही सामील होता.

त्याचवेळी या घटनेनंतर भावनाने अभिनेता दिलीपवरही या घटनेचा आरोप केला होता. अभिनेते दिलीपवर त्याच्या अभिनेत्रीशी कथित वैयक्तिक वैर असल्याने हा कट रचल्याचा आरोप आहे. मात्र, आरोपी दिलीपची नंतर जामिनावर सुटका करण्यात आली.