पंतप्रधान नरेंद्र मोदी उद्या 25 एप्रिल रोजी केरळमधील कोची (Kochi Water Metro) येथे देशातील पहिल्या वॉटर मेट्रो सेवेचे उद्घाटन करणार आहेत. याशिवाय मंगळवारी पंतप्रधान मोदी तिरुअनंतपुरममध्ये डिजिटल सायन्स पार्कचे उद्घाटन करणार आहेत.
कोची या बंदर शहरातील जल मेट्रो सेवा 1 हजार 136.83 कोटी रुपये खर्चून बांधली गेली आहे. या प्रकल्पांतर्गत जवळपासची 10 बेटे कोची शहराशी जोडली जातील.
केरळचे मुख्यमंत्री पिनाराई विजयन यांनी व्हिडिओ शेअर केला आहे..
ही नॉन-स्टॉप कनेक्टिव्हिटी बॅटरीवर चालणाऱ्या इलेक्ट्रिक हायब्रीड बोटींद्वारे केली जाईल. केरळचे मुख्यमंत्री पिनराई विजयन यांनी शनिवारी कोची वॉटर मेट्रोचे वर्णन राज्याचा “ड्रीम प्रोजेक्ट” असे केले. एका ट्विटमध्ये ते म्हणाले की, दक्षिणेकडील राज्यांच्या वाहतूक आणि पर्यटन क्षेत्रासाठी चांगला काळ येणार आहे.
जागतिक दर्जाची कोची वॉटर मेट्रो आपल्या प्रवासासाठी सज्ज आहे..
विजयन यांनी लिहिले की, 'जागतिक दर्जाची कोची वॉटर मेट्रो आपल्या प्रवासासाठी सज्ज आहे. कोची आणि आसपासच्या 10 बेटांना जोडण्याचा हा केरळचा ड्रीम प्रोजेक्ट आहे. कोची वॉटर मेट्रो प्रकल्पात 1,136.83 कोटी रुपये खर्चाच्या 78 इलेक्ट्रिक बोटी आणि 38 टर्मिनल आहेत. या प्रकल्पाला केरळ सरकार (GoK) आणि KfW द्वारे निधी दिला जातो. KfW ही जर्मन फंडिंग एजन्सी आहे.
प्रवासी डिजिटल पद्धतीने तिकीट बुक करू शकतात..
या प्रकल्पाच्या पहिल्या टप्प्यात लवकरच हायकोर्ट-वायपिन टर्मिनल्सपासून व्यतिला-कक्कनड टर्मिनल्सपर्यंत सेवा सुरू करण्यात येणार आहे. 'कोची-1' कार्ड वापरून प्रवासी कोची मेट्रो आणि वॉटर मेट्रो या दोन्ही मार्गांनी प्रवास करू शकतात. याशिवाय ते डिजिटल पद्धतीनेही तिकीट बुक करू शकतात.