हॉटेलमधील 2 स्वतंत्र लैंगिक अत्याचार प्रकरणे योगायोग कशी? स्वाती मालीवाल यांचे वक्तव्य

नवी दिल्ली: दिल्लीतील एकाच हॉटेलमध्ये दोन अल्पवयीन मुलींच्या लैंगिक अत्याचाराच्या दोन वेगवेगळ्या घटनांबद्दल दिल्ली महिला आयोगाने शनिवारी दिल्ली पोलिसांना नोटीस बजावली आणि हॉटेलवर केलेल्या कारवाईचा तपशील मागवला, असे अधिकृत निवेदनात म्हटले आहे.

आयोगाने सांगितले की, दोन वेगवेगळ्या घटनांमध्ये दोन व्यक्तींनी दिल्लीतील एका हॉटेलमध्ये दोन 15 वर्षांच्या मुलींवर अनेक वेळा लैंगिक अत्याचार केल्याची माहिती मिळाली आहे.

अध्यक्षा स्वाती मालीवाल (Swati पालीवाल) यांनी सांगितले की, “आम्हाला हॉटेलमध्ये अल्पवयीन मुलांसोबत लैंगिक अत्याचाराच्या दोन वेगळ्या केसेस मिळाल्या आहेत. हा योगायोग असू शकत नाही, हॉटेलच्या मालक/व्यवस्थापकावर कारवाई झाली पाहिजे. यापूर्वीही दिल्लीत अल्पवयीन मुलांवर लैंगिक अत्याचाराच्या घटना घडल्या आहेत. हॉटेलमध्ये अल्पवयीन मुलांचे बुकिंग/मुक्काम आणि त्यांची सुरक्षितता करण्यासाठी दिल्ली पोलिसांनी कोणती मार्गदर्शक तत्त्वे जारी केली आहेत याचा तपास करत आहोत.”

या दोन्ही प्रकरणी जगतपुरी पोलिस ठाण्यात एफआयआर दाखल करण्यात आला आहे. यापूर्वीही, अनेक प्रकरणे नोंदवली गेली आहेत ज्यात अनेक अल्पवयीन मुलींवर हॉटेलमध्ये आरोपींनी लैंगिक अत्याचार केल्याचा आरोप आहे.

या संदर्भात DCW चेअरपर्सन स्वाती मालीवाल यांनी दिल्ली पोलिसांना नोटीस बजावून या प्रकरणी कारवाईचा अहवाल मागवला आहे.

तसेच हॉटेलच्या व्यवस्थापक/मालकाला अटक करण्यात आली आहे की नाही हे देखील विचारले आहे