बाळ जन्माला आल्यानंतर पहिल्या अर्ध्या तासात त्याला आईचे दूध मिळणे हा त्याचा हक्क आहे आणि स्तनपान हे बाळासाठी आणि आईसाठीही अत्यंत फायदेशीर आहे. स्तनपान केल्याने बाळाची रोगप्रतिकारशक्ती वाढते आणि त्याला अनेक आजारांपासून संरक्षण मिळते. स्तनपान करणारी आईही निरोगी राहते आणि तिचे वजन नियंत्रणात राहण्यास मदत होते.
गैरसमज दूर करत स्तनपानाची योग्य पद्धत समजावून सांगण्यासाठी एकात्मिक बालविकास सेवा योजनेच्या (ICDS) माध्यमातून सातत्याने जनजागृती आणि प्रशिक्षण दिले जाते. या योजनेअंतर्गत, आंगणवाडी सेविका आणि आरोग्य कर्मचारी स्तनपानाचे फायदे आणि योग्य पद्धतीबाबत महिलांना माहिती देतात. स्तनपान सल्लागार आणि स्तनपान समर्थन गट यांनाही या कार्यात सहभागी करून घेतले जाते.
रोगप्रतिकारशक्ती वाढवते तसेच अॅलर्जी, जुलाब, श्वसनाचे आजार, अतिसार आणि मधुमेह यांसारख्या आजारांपासून संरक्षण करून बुद्धिमत्ता आणि मानसिक विकासाला चालना देते. व तसेच भावनिक सुरक्षितता प्रदान करते. हे स्तनपानाचे बाळासाठीचे फायदे आहेत.
तर आईसाठीचे फायदे हे पुढीलप्रमाणे आहेत. स्तनपान हे स्तनांच्या आणि अंडाशयाच्या कर्करोगाचा धोका कमी करून मधुमेह, उच्च रक्तदाब आणि हृदयरोग यांसारख्या आजारांपासून संरक्षित करते. याने वजन कमी करण्यास मदत होते व गर्भधारणेची शक्यता कमी होते. तसेच बाळ आणि आई यांच्यातील भावनिक बंध मजबूत करते हे आईसाठीचे फायदे आहेत.
स्तनपानाची योग्य पद्धती काय आहेत ? व्हिडीओ पहा
1)बाळाला जन्माला आल्याच्या पहिल्या अर्ध्या तासात स्तनपान करावे
2)बाळाला स्तनाच्या पाळण्यावर योग्य पद्धतीने धरावे
3)बाळाला पूर्णपणे स्तनपान करावे
4)स्तनपान दर दोन ते तीन तासांनी करावे
5)रात्रीही स्तनपान करावे
6)बाळाला स्तनपान व्यतिरिक्त इतर कोणतेही द्रवपदार्थ देऊ नये
स्तनपानबाबत अधिक माहितीसाठी आपण जवळच्या आंगणवाडीला भेट द्या , आरोग्य कर्मचाऱ्यांशी संपर्क साधा,स्तनपान सल्लागारांशी संपर्क साधा, स्तनपान समर्थन गटात सामील व्हा.
कारण स्तनपान हे बाळ आणि आई दोघांसाठीही अत्यंत फायदेशीर आहे. स्तनपान करून आपण आपल्या बाळाला आरोग्य आणि निरोगी जीवन देऊ शकतो.