दिवाळीच्या मुहूर्तावर अनेक जण नवीन नवीन गोष्टी घेत असतात. काही जण गाड्या घेतात, काहीजण कामाची नवी सुरुवात करतात, तर काहीजण नव्या घरात गृहप्रवेश करतात. दिवाळीतील लक्ष्मीपूजनाच औचित्य साधत अभिनेत्री अमृता खानविलकरने तिचे अनेक वर्षांपासूनचे स्वप्न सत्यात उतरवलं आहे. अभिनेत्रीने मुंबईत आलिशान घर खरेदी केलं आहे. दिवाळीच्या मुहूर्तावर या घराची पहिली झलक अभिनेत्रीने इंस्टाग्रामवर व्हिडिओ शेअर करत केली आहे.
मुंबईत हक्काचं, मोठं घर असावं असं प्रत्येकाचं स्वप्न असतं. या गतिशील शहरात, जेथे प्रत्येक गोष्ट गतीने बदलते आणि यात घर मिळवणं म्हणजे एक मोठं आव्हान, पण त्याचबरोबर एक प्रचंड आकांक्षा देखील आहे. उच्च किंमती, स्थानिक पातळीवर स्पर्धा आणि जागेची कमतरता यामुळे हे स्वप्न साकार करणं सोपं नसतं. तरीही, मुंबईकरांचा उत्साह आणि मेहनत यामुळे हे स्वप्न आणखी जवळ येतं. हक्काचं घर म्हणजे केवळ भौतिक स्थान नाही, तर त्यातली सुरक्षितता, प्रेम, आणि आनंदाची भावना आहे. तर मराठीसह बॉलीवूड इंडस्ट्रीत नावलौकिक मिळवलेल्या अमृता खानविलकरचं हे गृहस्वप्न साकार झालं आहे. सध्या तिच्या या नव्या घरात इंटिरिअरचं काम सुरू आहे. एक सुंदर अशी कविता लिहित अभिनेत्रीने नवीन घर घेतल्याची माहिती तिच्या चाहत्यांना दिली आहे.