टीम इंडियाने बॉर्डर-गावस्कर ट्रॉफीचा पहिला सामना जिंकला...

टीम इंडियाने बॉर्डर-गावस्कर ट्रॉफीचा पहिला सामना एक डाव आणि 132 धावांनी जिंकला आहे. यासह भारतीय संघाने चार सामन्यांच्या मालिकेत १-० अशी आघाडी घेतली आहे. या मालिकेतील दुसरा सामना १७ फेब्रुवारीपासून दिल्लीत खेळवला जाणार आहे.

नागपूरच्या जामठा क्रिकेट स्टेडियमवर शनिवारी भारतीय गोलंदाजांनी ऑस्ट्रेलियाला दुसऱ्या डावात ९१ धावांत आटोपले. कांगारू संघाकडून स्टीव्ह स्मिथने सर्वाधिक २४ धावा केल्या. मार्नस लॅबुशेनने 17 धावांचे योगदान दिले. तर डेव्हिड वॉर्नर आणि अलेक्स कॅरी 10-10 धावा करून बाद झाले. भारताचा फिरकी गोलंदाज रविचंद्रन अश्विनने 5 बळी घेतले. मोहम्मद शमी आणि रवींद्र जडेजाने प्रत्येकी दोन गडी बाद केले. अक्षर पटेलला एक विकेट मिळाली. तत्पूर्वी, भारताचा पहिला डाव 400 धावांवर संपला. अशा स्थितीत यजमानांना पहिल्या डावात 223 धावांची आघाडी मिळाली. कर्णधार रोहित शर्माने 120, अक्षर पटेलने 84 धावा केल्या. रवींद्र जडेजाने 70 आणि मोहम्मद शमीने 37 धावांची उपयुक्त खेळी खेळली. ऑस्ट्रेलियाकडून पदार्पण करणाऱ्या टॉड मर्फीने 7 विकेट घेतल्या. ऑस्ट्रेलियाचा पहिला डाव 177 धावांवर आटोपला.