हनुमान चालीसा वाजवल्याप्रकरणी 7 महिला ताब्यात; राज्यभर पोलिसांचा कडक बंदोबस्त...
महाराष्ट्र पोलिसांच्या कडक बंदोबस्तानंतरही आज अजानच्या वेळी काही ठिकाणी हनुमान चालीसा वाजवण्याच्या निर्णयावर महाराष्ट्र नवनिर्माण सेना (मनसे) ठाम आहे. औरंगाबादमध्ये मनसे अध्यक्ष राज ठाकरे यांच्यावरही भडकाऊ भाषणाचा गुन्हा दाखल करण्यात आला आहे. आता त्याच्यावर अटकेची टांगती तलवार दिसत आहे. असे असतानाही त्यांनी मनसे कार्यकर्त्यांना आपल्या निर्णयावर ठाम राहण्याचे आवाहन केले आहे.
राज ठाकरेंच्या या आवाहनानंतर मुंबई, ठाणे, चाफकोप परिसरात पहाटे मनसे कार्यकर्त्यांनी नमाजाच्या वेळी लाऊडस्पीकरवर हनुमान चालीसा वाजवली. त्याचवेळी नाशिकमध्ये नमाजाच्या वेळी हनुमान चालीसा वाजवल्याप्रकरणी 7 महिला कार्यकर्त्यांना ताब्यात घेण्यात आले आहे. राज्यभर आता पोलिसांनी हनुमान चालीसा वाजवल्याप्रकरणी अनेकांना अटक केली आहे. पोलिसांकडून अनेकांची आता धरपकड चालू आहे.
ठाकरे यांनी काल ट्विटरवर एक पत्रक प्रसिद्ध करत मनसे सैनिकांना आता झाले नाही तर कधीच होणार नाही असे म्हणत लाऊडस्पीकर वरील भूमिकेवर ठाम असल्याचं म्हंटल आहे. राज ठाकरे यांनी जाहीर केलेल्या निवेदनात म्हंटल आहे की, 'मी तमाम हिंदूंना आवाहन करतो की, जर तुम्ही 4 मे रोजी लाऊडस्पीकरवरून अजान ऐकाल तर त्या ठिकाणी लाऊडस्पीकरवर हनुमान चालीसा वाजवून उत्तर द्या. तरच त्यांना या ध्वनिक्षेपकांच्या वेदना कळतील.
लाऊडस्पीकर वाजताना दिसल्यास 100 क्रमांकावर तक्रार करा
ते पुढे म्हणाले की हिंदू सण, शाळा आणि रुग्णालयांसमोरील शांत भागात बंदी असतानाही मशिदींना अशा निर्बंधांपासून सूट देण्यात आली आहे. मी सर्व हिंदूंना आवाहन करतो की त्यांनी हनुमान चालिसाचे पठण करावे. त्याविरोधात सर्व स्थानिक मंडळांनी व सजग नागरिकांनी स्वाक्षरी मोहीम सुरू करावी आणि मशिदींमधून ध्वनिक्षेपक वाजवताना कोणाला ऐकू आल्यास दररोज स्वाक्षरीसह आवाहन पत्र स्थानिक पोलीस ठाण्यात सादर करावे. नागरिकांनी दररोज 100 वर डायल करून तक्रार नोंदवावी. अस त्यांनी म्हंटल आहे.
या पार्श्वभूमीवर पोलिसांनी घेतली आहे योग्य खबरदारी..
मुंबईतील काही अनुसूचित होऊ नये यासाठी 465 जणांना शहराबाहेर पाठवण्यात आले आहे. मुंबई पोलिसांनी राज ठाकरे यांना आयपीसी कलम १४९ अंतर्गत नोटीस बजावली आहे. पोलिसांनी मंगळवारी दिलेल्या माहितीनुसार, गेल्या महिनाभरात शहरातील 1144 मशिदींपैकी 803 मशिदींनी नियमानुसार लाऊडस्पीकर लावण्याची परवानगी घेतली आहे.
राज ठाकरेंच्या अल्टिमेटमबाबत मुंबई पोलिसांनी मोठा खुलासा केला आहे. पोलिसांनी दिलेल्या माहितीनुसार, मंगळवारी , 3 मे रोजी पोलिसांनी 855 जणांना कलम 149 अंतर्गत नोटीस दिली आहे. यापैकी ४६५ जणांना सीआरपीसी १४४ अंतर्गत १५ दिवसांसाठी मुंबईबाहेर पाठवण्यात आले आहे.
मुख्यमंत्र्यांनी महाराष्ट्र पोलिसांना पूर्ण सूट दिली
राज यांच्या या आदेशानंतर पोलिसांनी मुंबईसह संपूर्ण राज्यात कडेकोट बंदोबस्त ठेवला आहे. मुख्यमंत्री उद्धव ठाकरे यांनीही पोलिसांना सूट दिली असून राज्यातील कायदा आणि सुव्यवस्था नियंत्रणात ठेवण्यासाठी कोणाच्या आदेशाची वाट पाहू नका. असे आदेश मुख्यमंत्री उद्धव ठाकरे यांनी केले आहेत.
