‘पंकजा यांनी सुखाने सासरी नांदायला जावं’ - रुपाली चाकणकर

परळी मतदारसंघात धनंजय मुंडे यांच्या प्रचारासाठी राष्ट्रवादीच्या महिला प्रदेशाध्यक्ष रूपाली चाकणकर यांनी प्रचारसभेत “लोकसभेला एका लेकीला मतदान केलं, आता विधानसभेला लेकाला संधी द्या.” असं म्हणत रूपाली चाकणकर यांनी परळीकरांना धनंजय मुंडे यांना निवडून देण्याचे आवाहन केलं आहे.

तसेच त्यांनी पंकजा मुंडे यांना उद्देशून ‘खणानारळाची ओटी भरून आता लेकीची सासरी पाठवणी करा’ असं म्हणत फेसबुक पोस्ट केली आहे.

परळी विधानसभेमध्ये राष्ट्रवादीचे धनंजय मुंडे विरूद्ध भाजपच्या पंकजा मुंडे यांच्यात अत्यंत चुरशीची लढत असल्यामुळे दोन्ही पक्षांकडून अधिक ताकद लावली जात आहे.