कोरोनावर मात करण्यासाठी पंतप्रधान नरेंद्र मोदींचा संदेश.. भाषणातील महत्त्वाचे मुद्दे
देशातील कोरोना व्हायरसचा संसर्ग वाढतो आहे. यानिमित्ताने पंतप्रधान नरेंद्र मोदी यांनी आज देशातील जनतेला संबोधित केले. नागरिकांनी लॉकडाउनचं सक्तीने पालन कराव अशी विनंती त्यांनी यावेळी केली. कोरोनापासून बचावासाठी घरात च बसून राहा असा सल्ला त्यांनी देशाला दिला आहे. पंतप्रधान नरेंद्र मोदी यांच्या भाषणातील महत्त्वाचे मुद्दे...
-लॉकडाऊन ला आज ९ दिवस पूर्ण झाले. या काळात सगळ्यांनी सहकार्य केलं त्या सर्वांना धन्यवाद. आज जगभरातील अनेक देश याचं अनुकरण करतायत.
-देशाने देशभावना दाखवली. आपण एक होऊन कोरोना शी लढू शकतो हे आपण दाखवून दिलं.
-आपण विचार करत असाल की इतकी मोठी लढाई एकट्याने कसं लढणार. पण मित्रांनो आपण जरूर आपापल्या घरात आहात, मात्र १३० कोटी लोकसंख्येची सामुहीक शक्ती एकत्र आहे.
-जनता जनार्दन इश्वराचं रूप असते असं आपल्या इथे मानलं जातं. आपण या विराट शक्तीचं वारंवार दर्शन केलं पाहिजे. इथूनच आपल्याला उर्जा मिळते.
-आपल्या गरीब भाऊ-बहिणींना कोरोना मुळे झालेल्या त्रासातून आपल्याला बाहेर काढायचं आहे. या सगळ्या लोकांना अंध:कारातून बाहेर काढायचं आहे.
-या पाच एप्रिल ला १३० कोटी लोकांच्या महाशक्ती आणि महासंकल्पाचं दर्शन घडवायचं आहे.
-पाच एप्रिल ला रात्री ९ वाजता घराचे सर्व दिवे बंद करून ९ मिनिटे मेणबत्ती, टॉर्च, मोबाईल ची फ्लॅशलाइट किंवा दिवे लावा
-घरातले सर्व दिवे प्रकाशीत करून जर हा प्रकाशपर्व आपण साजरा करू शकलो तर आपण असा संकल्प दाखवू शकतो की आपण एकटे नाहीयत.
-या वेळी बाहेर पडू नका, सोशल डीस्टंसिंग पाळा, कोरोनाची चैन तोडायचा हाच रामबाण उपाय आहे. ५ तारखेला ९ वाजता थोडा वेळ बसून भारतमातेचं स्मरण करा.
