तांबडी चामडी चमकते उन्हात…; या गाण्याची क्रेज जर्मनीमध्ये, Viral Video एकदा बघाच
अलीकडच्या काळात सोशल मीडियावर अनेक गाणी व्हायरल होत असतात. गेल्या काही दिवसांपासून ‘तांबडी चामडी’ या गाण्याने सर्वत्र धुमाकूळ घातला आहे. अगदी लहान मुलांपासून मोठ-मोठ्या सेलिब्रिटींपर्यंत सगळ्यांनी या ट्रेडिंग गाण्यावर व्हिडीओ बनवले आहेत. भारतीय सेलिब्रिटींपासून ते आंतरराष्ट्रीय स्टार्सने या गाण्याचे कौतुक केले आहे. या गाण्याने सर्वच ठिकाणी आपली छाप पाडली आहे. जर्मनीतील बर्लिनमधील व्हायरल हा व्हिडिओ एक उत्तम उदाहरण आहे.
गाण्याचे निर्माते श्रेयस सागवेकर आणि कृणाल घोरपडे यांनी इंस्टाग्रामवर एक व्हिडिओ शेअर केला आहे. त्या व्हिडिओमध्ये जर्मनीतील युवक पार्टी करत असताना 'तांबडी चामडी' हे गाणं वाजत आणि सगळे जण त्या गाण्यावर ठेका धरत नाचू लागतात. श्रेयस सागवेकर यांनी जर्मनीतही मराठी गाणं वाजलचं पाहिजे असं कॅप्शन देत तो व्हिडिओ शेअर केला आहे.
व्हिडिओला 1.5 दशलक्षाहून अधिक व्ह्यूज मिळाले असून अनेकांनी त्या व्हिडिओवर वेगवेगळे कमेंट्स देखील केले आहेत. "मराठी नेहमीच जगभरात जाण्यासाठी होती", "क्लब मध्ये आणि बाहेरही मराठी गाणी वाजणारचं", "मराठी वाजलचं पाहिजे" अशा विविध कमेंट्स या व्हिडिओला करण्यात आल्या आहेत.
