लक्ष्मीपूजनाला जान्हवी किल्लेकरने केली घरच्या लक्ष्मीची पूजा
'बिग बॉस मराठी' च्या ५ व्या पर्वामुळे अभिनेत्री जान्हवी किल्लेकर घराघरांत लोकप्रिय झाली. बिग बॉस या शो नंतर सध्या जान्हवी किल्लेकर आपल्याला सोशल मीडियावर सक्रिय झाल्याचं पाहायला मिळत आहे. सध्या दिवाळीच्या दिवसातील जान्हवी किल्लेकरचा एक व्हिडीओ सोशल मीडियावर प्रचंड व्हायरल होत आहे.
दिवाळीच्या सणादिवशी घराघरांत लक्ष्मीपूजन केलं जातं. किल्लेकर कुटुंबीयांनी देखील हा सण साजरा केला. मात्र, लक्ष्मीपूजनाच्या दिवशी जान्हवीने तिच्या घरच्या स्त्रियांचं पाय धुवून पूजन केलं. जान्हवीने तिच्या सासूबाईंचे पाय धुतले, स्वत:च्या साडीच्या पदराने त्यांचे पाय पुसले आणि पूजा केली. यावेळी तिच्याबरोबर पती किरण किल्लेकर आणि मुलगा इशान किल्लेकर हे देखील व्हिडिओमध्ये पाहायला मिळत आहेत. यानंतर सासूबाईंनी जान्हवीला किल्लेकरला भरभरून आशीर्वाद दिले. जान्हवीचं हे कुटुंबीयांवर असलेलं प्रेम पाहून नेटकऱ्यांनी या व्हिडिओवर कौतुकाचा वर्षाव केला आहे. "तू ग्रेट आहेस", "खरी लक्ष्मी तर तू आहेस","महाराष्ट्राला खरचं अशा माऊलीची गरज आहे" अशा विविध प्रतिक्रियांनी जान्हवी किल्लेकरचं कौतूक केलं जात आहे.
